- Dankwoôrd -




Leef fens allemaol,

Wae zeen in december 2014 veurgood gestoptj as Mooshoofpaadzengers. Dit in good euverlèkg op ein bie-einkòmst toen beslote.

Sòmmige vònje ut good/sjoeën gewaestj. Auch ein paar min of mieër vanwege de gezoondjheid. Veur inkele van òs waasj toch waal meujlik. Vanaaf det wae eine van òs zeen verlore, wore wae eigelik neet mieër kompleet. Oos motto waas dan auch ; as wae gaon dan waal allemaol. Daodoor zeen optredes auch neet doorgegange. Dae wae verlore zagt mèt klem; Goatj waal door ! Wae hebbe det gedaon, mer ut waas neet kompliët en det geveul waas d’r steeds dudelikker.

In 1974 begòst en toen in 2014 stoppe as groep vrinj. Ut waas good gewaestj.

Wae hebbe hieël völ plezeer gatj same. Veural auch door de steun van oos vroukes (de Z-tjes). Ein groeëte Mooshoof femilie. Ongertösse ein femilie mèt kinjer en kleinkinjer (spruutjes en ertjes) eine groep van ruum 50 same. Heerlik edere zomer same eine BBQ mèt allemaol same. Geweldjig eder jaor weer. Same zinge en



danse mèt DJ Michel. En veural völ lache en herinneringe op hale. Kalle euver de heerlikke jaore det wae veur uch mochte zinge. Echt geweldjig wie fijn ut waas. Niks sjoeëners dan minse blie make mèt oos leedjes. Auch eur reaksies op sòmmige leedjes. Gae woordj òs allemaol aeve leef.

Auch hieël bezunjer det regelmaotig van oos leedjes gebroêk weurtj gemaaktj bie Huwlikke en bie aafscheid van minse die neet mieër bie òs zeen.

Oos CD’s hebbe good gelaupe dank uch. Van oos lèste CD “Appelmoos” hebbe wae nog ein aantal staon. Alle anger steeds in snel vaart hieël verkocht. Mèt dank aan oos fens. Inmiddels staon alle CD’s op Spotify. Wae hebbe in totaal 4LP’s en 9 CD’s gemaaktj. Geweldjig eur reaksies hiê op.

Nog mer ins leef minse, eine hieële groeëte dank aan uch veur de geweldjigge jaore die wae veur uch mochte en koste zinge. Ut wore heerlikke jaore die wae noeëts zòlle vergaete. Danke Danke Danke !! Wae hebbe op oos meneer genote van uch en vergaete det echt noeëts.

Hojje en eine dikke mercie.

De Mooshoofpaadzengers