- Weem is ederein -

Lei Steijvers
Geboorte datum: 12-10-1950 en daomèt de aodste vanne kliek
Beroep:  Vutter. Altiêd òngerwiêzer gewaestj
Bie de groep sinds: ’t allerieërste begin 1974
Welke stum/instrument: gitaar  en meistal 1e stum
Angere muziek naeve de MHPZ: ein bitje piano en blokfluit op hoêskamernivo
Sjoeënste herinnering optraeje: Gein speciaal hoeëgtepeuntje.
Tis waal dèk zoeë det woeëse dich völ van haatst veurgestèldj nogal
tegevèltj en det juust de klein, simpel optraejekes dich ’t meîst rake.
Hobbies: Nateurlik gitaar speule, tekste make en sòms ein melodieke
inein frutse. Daonaeve wil ich gaer ein pötje biljare.
Wiejer bin ich tamelik geveulig veur alles wat mèt taal te make heet,
in ’t biezunjer‘t (Roojs) dialekt.
De lèstie tiêd kan ich mich mèt koke ouch waal amuzere.
Favoriete muziek, groep, zanger(es): Beatles, Adamo, Robert Long
Favoriet aete: Italiaans en mossele. Mer oppe tiêd ein lekker frietje mèt
eïn klödderke majjenais is ouch neet te versmade.
Dit wil ich nog kwiêt: Wat ich kwiêt wil is hiêbove al gezagdj.
Mich teûnktj desse eine groep wie de Moosshoôf inne wieje òmtrèk neet
zulst vinje. Apaârt en karakteristiek!

Lei van Kroamers
Lei van Kroamers


Jan van Dèkkers Harie
Jan van Dèkkers Harie

Jan Coenen
Geboorte datum: 27-12-1952
Beroep: bank-emplwaajee
Bie de groep sinds: 10-10-1974 (oprichting van de groep mèt Lei van Kraomers)
Welke stum/instrument: tenor same mèt de Funs en gein instrument, mer mèt Lei same 98% vanne tekste
Angere muziek naeve de MHPZ: vastelaovesgruupke de SjoeDèkkers en sinds dit jaor Duo mèt zoon Robbert as de Döbbel Dèkkers
Sjoeënste herinnering optraeje: eder optraeje is ein spesjaal belaeving op zich. Nog steeds, groeët of klein. Ein paar springe d’r toch waal oet. Oos eige “theater-show” veur ein dikke 1300 man. ’t Kerstconcert mèt ’t Wieërter Mannenkoeër. Kerst CD. Presentatie oppe Ruiver. Zoeë sjoeën en sfeervol  kan de Kersmis zeen !! En oos tripke mèt optraeje en serenade in Viêle (Vijlen), ein groeët Mooshoof-femilie fieëst.
Hobbies: mien gezin (mèt Gerda en Robbert) mieër ein passie eigelik. Leidersjap van de Mooshoofpaadzengers. De Vastelaovendj mèt alles drop en draan. Veural LVK, sjoeënste van de hieële Vastelaovendj. Deilname aan de Rojer Boontje Aovendje. Vastelaoves leedjes sjrieve. Tekste veur oze Mooshoof en angere. En lekker nao goje muziek loestere.
Favoriete muziek, groep, zanger(es): The Beatles, Bläck Fööss, The Eagles, Neil Diamond, Robert Long, Garth Brooks, Creedence, noê John Foggerty, Queen, Cliff Richard, the Temptations, Rowwen Hèze en wiejer veural muziek oet de seventies. Goje Limbo muziek mèt tekste mèt inhoud zoeë as beveurbieëldj Jack Vinders. Dao is helaas te völ woeë tekst hieëlemaol niks zeet en dus veur miên geveul niks toevoegtj.
Favoriet aete: alles waat mèt pastaas heet te make, mer neet te völ kieës. Lekker degelikke wintjerkost, zoormoos, boremoos, erte sop, roeëdmoos mèt hasjee. Eine lekker chateaubriand medium gebakke. En wan ’t moment d’r is eine lekker good gebakke neet vètte friet met een kloddertje majo.
Dit wil ich nog kwiêt: Op mien huwelik mèt Gerda en de geboorte van oze Robbert nao, is de Mooshoofpaadzengers ’t bèste waat mich oeët is euverkome. Noê al 38 jaor en det is al 8 jaor langer as oos huwelik. Asse zuust wie oze groep mèt ein òmgeit. Oos vrouwkes (Z-tjes) en de kinjer (Meuskes en Spruutjes) is same ein groeëte femilie. Om kaod van te kriege. Minse blie make, good geveul gaeve mèt get waase zelf auch zoeë veulst!! Waat wilse nog mieër? Zelf oeëts gezagtj inne gezèt; Wae gaon door tot wae allemaol int Bejaardjehoês zitte en dao hoop ich noeëts in te kome!! Dudelik teunktj mich.


Jack Palmen
Geboorte datum: 26-10-1953.
Beroep: Eigelijk geîn. Mer haoj mich allewiel bezig mèt algemein nuttige zake bie de Belastingdeenst in Oeteldonk.
Bie de groep: Van begin aaf aan (1974/1975).
Welke stum/instrument: Same mèt Geer vanne Sjoemaeker zing ich det waat die anger neet zinge. Funs kiektj meistal waat der veur os euverblieftj òm te zinge.
Aaf en toe speul ich bugel en trompet en tòk ich get op houtere klöppelkes. Eine inkele kieër speul ich fluît en sjuûftròmbòn (mèt de moel).
Angere muziek naeve de MHPZ: Eigelijk alles waat sjoeën en veurâl mieërstummig gezònge weurdj. Mer auch alle angere muziek dae lekker in ’t gehuuër liktj.
Sjoeënste herinnering optraeje: Det is ein lestige òngerwerp. Gezeên miêne laeftiêd begintj ’t geheuge ein bitje nao te laote. En wae hebbe in die (inmiddels) 37 jaor zoeë völ sjoeën momente belaeftj... Veurâl völ fantastische Boontje Oavendje en pas nog in ’t Zuide bie ’t Hijgend Hert en oppe trökweeg ein spontaan optraeje biej die 60-jaorige. Ich dink det oos ‘life’ optraeje mèt ein ‘life’ bendje biej oos ‘aafsjeid’ veur mich ein van de sjoeënste optraejes is gewaesjtj. En de sjoeënste gebeurtenis: Ein stökske Rooj!!!
Hobbies: Naeve muziek (auch biej de fanfaar en regelmaotig biej de Kepel) nateurlijk de vastelaovendj en miêne tuin. Dao kan ich alike daag in bezig zeen. Mèt tössedoor de nuuëdige pauzes as der weer ins emes toevallig aankeumtj òm ein moel te kalle en... Sinds ein aantal jaor zit ich biej ein gezellig kookklupke. En dao heb ich gojen’aard aan want ich haoj van lekker aete. En ònger ’t koke verkoupe wae vreiselijk völ stòmme zeiver, jenne dein danger wat op en hebbe vrieët völ plezeer.
Favoriete muziek, groep, zanger(es): Heb ich eigelijk neet. As ’t mer lekker in ’t gehuuër liktj en sjoeën en mieërstumig is. Al kan eenvoudig, subtiel en einstummig auch hieël sjoeën zeen. Missjien is miên favoriete zangeresje waal Katie Melua!?
Favoriet aete: Eine lekkere T-bone of eine dikke entrecote; lekker gekruudj en licht gebakke.
Dit wil ich nog kwiêt: Van al die sjoeën dinger die wae mèt de Mooshoof hebbe gedaon en mètgemaaktj wil ich hieëlemaol niks kwiêt.

Zjaak van Keune Leike en Lusemes To (of: Zjaak van Nouwe)
Zjaak van Keune Leike en Lusemes To (of: Zjaak van Nouwe)


Geer van Sjoemaekers Pjaer en Liebekes Betje
Geer van Sjoemaekers Pjaer en Liebekes Betje

Geer Kwaspen                 
Geboorte datum: 24-10-1956
Beroep: Post (nog efkes)
Bie de groep sinds: vanaaf ‘t begin
Welke stum/instrument: ieërste stum en ich heb oeëts oppe trèkzak gespeuldj
Angere muziek naeve de MHPZ: Zing aug bie ’t gemingdj koeër DaCapo
Sjoeënste herinnering optraeje: Dao zeen mer ein paar optraejes woe ich neet zoeë ein gooj herinnering aan heb. Det weugtj neet op tege al die anger die allemaol aeve sjoeën wore.
Hobbies: tenieël, voetbal, (ren) fietse.
Favoriete muziek, groep, zanger(es): jaore zestig/zeventjig, ich heb gein bepaoldje veurkeur.
Favoriet aete: Ich aet eigelik alles, mer as ich ein veurkeur mòt gaeve: witlauf mèt aerpel en eine gehaktjbâl of ein stök braotworst.
Dit wil ich nog kwiêt: ‘t is fijn om mèt deze groep leedjes te zinge, woeë desse van wèts det ’t door völ minse auch nog gewaardeerdj weurtj!


Geer Kwaspen
Geboorte datum: 06-02-1954
Beroep: Orderbegeleider
Bie de groep sinds: Vanaaf ’t begîn
Welke stum/instrument: Tenor en diverse slaâginstrumênte
Angere muziek naeve de MHPZ: In miene jònge tiêd dèk ingevalle as drummer bie diverse orkêste zoeë as The Classics - The Classics Revival Band - The Returns - Groep MM - De Torema’s - Hoube Drè Band
Sjoeënste herinnering optraeje: Âl die jaore ein groeëte sjoeën herinnering
Hobbies: Genete van ’t laeve - Muziek - Òntwêrpe - Wanjele
Favoriete muziek, groep, zanger(es): Dire Straits - Mark Knopfler - Eagles en eine hoûp angere
Favoriet aete: Riêste pap - Erte sop - Roeëd moos
Dit wil ich nog kwiêt: Ich bèn vreiselik blie en gruuëts det ich deîl oet maag make van dees boetegewoeën sjoeën en werm groep van vrinj.

Geer van Sjoemaekers To
Geer van Sjoemaekers To


Frans van Matje
Frans van Matje

Frans Peeters
Geboorte datum: 1 april 1958 (en det is gein grap)
Beroep: Bookhaojer
Bie de groep sinds: Weit ich neet precies, is al lang geleje. 1975.
Welke stum/instrument: Ich zing de baspertie same mèt oos Thei. Bie de Mooshoof speul ich auch aaf en toe trompet of bugel, en ich heb auch oeëts blokfluit en basgitaar gespeuldj.
Angere muziek naeve de MHPZ: blaosmuziek
Sjoeënste herinnering optraeje: Oos kerstconcert same met ut Wieërter Mannekoeër in 2010 inne Paterskirk in Wieërt.
Hobbies: Muziek make bie de fanfaar van Rooi en sport kieke.
Favoriete muziek, groep, zanger(es): Eagles
Favoriet aete: Mossele
Dit wil ich nog kwiêt: Fijn detter weer ein saait is vanne Mooshoofpaadzengers. Jan, eine dikke merci!


Jan Kwaspen
Geboorte datum: 20 augustus 1952.
Beroep: Wirk as monteur bie KPN.
Bie de groep sinds: Ein jaor later as de oprichters 1975
Welke stum/instrument: In het begin de twieëdje en al ein aantal jaore mèt Geer en Lei de ieërste stum. Speul aaf en toe triangel.
Angere muziek naeve de MHPZ: Vinj völ muziek sjoeën as ‘t mer geine haarde rock of mettel is. Dialect muziek mer neet alles. De lèste jaore loester ich gaer nao klassiek.
Sjoeënste herinnering optraeje: We hebbe völ sjoeën optraejes gatj mer ‘t optraeje in Vijlen op 6 augustus 2011 waas hieël speesjaal.
Hobbies: Wanjele in de nateur, op mien gemaak inne hoôf wirke en loestere nao sjoeëne muziek.
Favoriete muziek, groep, zanger(es):  Loester völ nao Radio 5, drei-je muziek oet de jaore 50-60-70, Nederlands- Duits- en Ingels talig. Heb drek geine favoriete groep, vinj Dire Straits mèt Mark Knopfler waal sjoeën. Zanger(es) kán ich waal ei paar opneume, ich haoj van de muziek van bv;  John Denver - Jim Reeves – Dana Winner – Ronny – Paul Simon – Robert Long – Andrea Bocelli – Cliff Richard – Buddy Holly – Dimitri van Toren – Freddy Quin en dao zeen der nog waal mieër.  Funs wil ich in dit rieke neet vergaete, hae heet in het verleden ein paar hieël sjoeën cd`s oetgebrachtj woeë Margriet en ich gaer nao loestere. 
Favoriet aete: Greun moos mèt frikkedelle (gehaktjbâl). Gaef niks òm roeëd moos.
Dit wil ich nog kwiêt: Wae door de jaore haer  same mèt vrouw en kinjer ein sjoeën Mooshoof-femilie hebbe opgebouwtj en ‘t is sjoeën dao biê te huuëre.

Jan van Sjoemaeker To
Jan van Sjoemaeker To


Thei(ke) van Matje
Thei(ke) van Matje

Theo Peeters
Geboorte datum: 16-12-1955
Beroep: Senior Medewerker Informatisering en Ontwikkeling oftewaal “oaje ICT’er” en wirkzaam in Eindhoven
Bie de groep sinds: 1982. Veur dae tiêd ginge wae mèt drie koppels nl., Jan en Ans Levels, Jan en Mimi Lenders en Mieke en ich, al altiêd same mèt de Mooshoof op stap. Wae wore dus de ieërste offisjeel fens. Aster wat gezònge woort zòng ich nateurlik zoeë völ meugelik auch mèt. Toen Jan van Klauwers der met stopdje bleek det die anger mèn genògt van mich gehuuërdj haje òm mich in Jan zien plaats te dörve vraoge en heb ich de promosie van fen tot Moospaadzenger moge make.
Welke stum/instrument: Veural de basstum. Hie en dao eine inkele kieër ein kopstumke. En eine kieër, en det waas auch de lèste kieër, sologitaar op 3 Bontje Aovendje.  Euver dae solo in Sinjorita kinne die anger mèn auch noa twintjig jaor nog steeds neet euver oet. En op dien hoeëgte puntj mòsse stoppe…
Angere muziek naeve de MHPZ: Sinds ein jaor of veer auch nog actief bie de Chaplins oet Leivere. Wiejer zoeë hie en dao waat backings mèt gedaon bie versjillendje vasteloavesleedjes en anger opname. Auch in opleijing en lid van het piccolokorps van sjötterie St. Catharina
Sjoeënste herinnering optraeje: Heb weinig minder gooj optraejes! Boontje aovendje wore altiêd sjoeën, inne Munt, de NUL, oos theaterconcert inne Zaal wore super!
Hobbies: Bin bestuurslid en penningmeister van  sjötterie St. Ketrien. Haoj van meziek, laes gaer thrillers en prebeer edere waek nog minstens eine kieër te fietse: ’s wintjers spinne en zomers oppe renfiets.
Favoriete muziek, groep, zanger(es): Vreuger Mungo Jerry, Status Quo, Eagles, Classics en wiejer auch noê nog hieël breid, assut melodieus is en leefst mieërstumig.
Favoriet aete: Pasta’s,  kieës mèt en sònger boterham, sjèrpe suiskes en nog völ mieër en ich bin bang veural van alles te völ.
Dit wil ich nog kwiêt: De Mooshoofpaadzengers zeen al hieël lang ein groeëte mieërwaarde in miên laeve en auch det van miên gezin, mien vrouw Mieke en auch oos kinjer  Guido, Angèle en Rens. Sjoeën òm te moge zeen det wae allemoal de mooshoof as òngerdeil van oos dageliks laeve koestere. Det wae as “amateurs” doanaeve auch nog völ anger minse get sjoeëns hebben kinne gaeve, vinj ich nog altiêd wònjerbaarlik..


Fons Heuvelmans
Geboorte datum: 24-09-1961
Beroep: Docent muziek/decaan en dao naeve freelance zanger/muzikant
Bie de groep sinds: 1985
Welke stum/instrument: 1e tenor (same mèt Jan van Dèkkers) en speul gitaar en div. fluite
Angere muziek naeve de MHPZ: Ich zing Franse chansons en auch leedjes in ’t Roojer dialect. Verder speul ich op blok- en anger fluite.
Sjoeënste herinnering optraeje: te gast bie ‘t Wieërter Mannenkoeër tiejes ‘t Kerstconcert inne Paterskirk in Wieërt.
Hobbies: fietse, koke en laeze van veural spannendje beuk.
Favoriete muziek, groep, zanger(es): James Taylor
Favoriet aete: Italiaanse keuken, mer auch eine gewoeëne degelikke middig geit der altiêd in.
Dit wil ich nog kwiêt: ‘t Is ein veurrecht òm deil oet te make van deze groep. Wae hebbe door de jaore haer ein enorm groeët en sjoeën repertoire opgebouwdj woeëdet wae völ minse ein plezeer mèt hebbe gedoan en nog steeds doon. Same zinge is oos gemeinsjappelikke passie en det sjöptj eine bandj dae steeds hechter weurtj. Ich hoop det wae nog völ en lang van òs moge laote huuëre.

Funs van Lowie vanne Fuus
Funs van Lowie vanne Fuus